تقرير الموقع الرسمي لجمعية الرسالة

بسم الله الرحمان الرحيم

لقد طال انتظار و شوق مربي و مربيات الجمعية لمعرفة ما آل اليه الموقع الرسمي لجمعية الرسالة لذلك فقد جائنا البركاك ديالنا بما يلي :


الدومين rissala.org اتشرى في 21 نونبر 2005 و كان من بعد انطلاق الموقع الرسمي في حلة بهية و كلنا انتظرنا الموقع يكتمل و ياخد بلاصتوا .
حيت الفروع كانت باغا الدير حتى هية موقع و لكن المكتب المركزي اعطاهم وعد بانهم غادي يخصوا ليهم شي بلاصة باش كل فرع يحط فيه هداك الشي لي عندوا.و تم منع الفروع باش الدير شي موقع قبل الموقع الرسمي للجمعية.

و حسب ما جاء به البركاك ديالنا الموقع بقا معلق نظرا لعدم وجود اللي غادي يخدم على المضمون و اكتفين فقط بالشريط الاول اللي كان معمر الموقع .

من بعد في اطار الاحتفال بالذكرى العشرين فرحاتنا اللجنة الاعلامية بقيادة عبد الاله السداسي بحلة جديدة للموقع اللي بهرات الجميع و خلاة المفاجئة في المستوى و هاد الشي كان في شهر دجنبر لسنة 2009 .

و اللي جا بيه البركاك ديالنا قاليك الفرحة ما كملاتش و بقا الموقع معلق من الصفحة الاولى . و من بعد تبتات الايام ان الاصدار الاول كان احسن حيت فيه شريط الاناشيد اما الاصدار التاني فيه غي الواجهة.

في ماي 2010 قامت اللجنة الاعلامية لفرع تيفلت بطرح مشروع احداث المنتدى الرسالي اللي هو rissali.net على اساس يكون منتدى رسمي للجمعية باش يعوض النصق ديال خروج الموقع الرسمي و يوقف على رجليه.

اللي قال البركاك ديالنا ان مسؤول اللجنة الاعلامية لفرع تيفلت تحدث للسيد رئيس الجمعية مباشرة في المقر الجمعية بسلا و الرئيس عجباتو الفكرة و اعطة موافقة مبدئية و لكن طلب الفرع يقوم بمراسلة المكتب المركزي بشكل قانوني . و اللي عرف البركاك ديالنا ان الحد الآن باقي فرع تيفلت أو اللجنة الاعلامية تينتاظرو الموافقة الرسمية . بعد مهاتفة البركاك ديالنا لمسؤولي المنتدى و السوؤال عن مستجدات رسمية المنتدى جوابنا المسؤول بأن اللي قالوا ليه الطلب ديال ماي 2010 بخصوص تبني المنتدى بشكل رسمي باقي ما اوصلاتش ليه النوبة في جدول اعمال المكتب المركزي باش يبث فيه .

و المفيد من هاد شي كامل اللي بغا يوصلوا لين البركاك ديالنا بأن اللجنة الاعلامية تكلفت باش تشتغل على الموقع و تم التنسيق ما بينها و بين الاطر اللي كانت خدامة على الموقع من قبل لكن من بعد ترات مجموعة من المشاكل اللي خلاتهم يتراجعوا و يخليو المسؤولية ديالهم .للأسف ما باغاش المسؤول يقولينا اشنوا هي المشاكل و اكتفى بالدعاء للموقع باش الله يفك وحلتوا و يخرجوا بسلام.

من بعد البركاك ديانا امشى يشمشم على مصير الموقع و عرف ان السي الحصيني محمد عضو المكتب المركزي و اللي تكلف بالموقع و تكلف يشوف شي شركة تصيب لين هاد الموقع اللي ما قديناش نصيبوه و احن امة تتأطر 15 مخيم في العام .

و آخر ما عرف البركاك أنه تم استدعاء واحد مجموعة من الاسماء باش الدير لقاء في الهرهورة و تلاقا بالناس لي تيصنعوا الموقع و باش يتم الاشتغال على المضمون لكن الخبر المؤسف أمنه من 8 ديال الصباح حتى 5 ديال العشية و هوم تينتاظرو السي فلان اللي اللي شاد الموقع و في الاخير شدوا الكار و رجعوا لديورهم خاويين و ابقى الموقع امعلق في الهوى .

هذا كان التقرير المفصل اللي جابوا لين البركاك ديال المنتدى .
نتمنى يكون اعطى صورة واضحة على مصير المنتدى في الماضي و الحاضر و حتى المستقبل .
للاشارة الى كانت شي معلومة ناقصة او خاطئة صحوها وا ديكلاريو بيني و بينكم نديروها سبة ونتريو على هاد البركاك غادي غير يدير لينة شي مشكل و يجبد اعلينة النحل.

رغم ذلك انا عارف بان الجمعية فيه حرية الرأي و الراي الآخر و لابد من الانتقاد و المناقشة لمعرفة الخلل و يتم اصلاحه.

و طبعا احن تنشروا التقرير ماشي باش نضحكوا على شي واحد ولكن باش كاملين نهزوا الهم في مشروع الرسالة و نلقاو الحل .

للاشارة اللي بغى يخدم في الموقع يقوم بمراسلة المكتب المركزي و يعرض الخدمات ديالوا تنظن ما غاديش يكون اعتراض و لكن بشرط يكون مربي مسؤول و ناضج و قد المسؤولية .

و في الاخير ابغيت نقول انه من 2005 الى 2011 راها ستى سنوات يعني جوج ولايات متابعين و الموقع ما ابغى يكمل او يشد ليه شي طريق .

احنا غداي نتسنواوكم تناقشوا امعانا المشكل بكل جدية .
و الله يجزيكم بخير متعطلوش اعلين را حن زربانين و تابعانا شلا مشاكل باغين نعطيوها حلول من هاد المنبر. و السلام